የተቋሙ ስልጣንና ተግባራት

1. ብሎክን ማዕከል አድርጎ የተደራጀውን ህብረተሰብ እና ብሎክ ካውንስል አደረጃጀትን ቀጣይነት ባለው መልኩ ያደራጃል፣ ያጠናክራል፣ ይደግፋል፣ ያስተባብራል፣ ክፍተቶች ሲኖሩ የማስተካከያ እርምጃ ይወስዳል፡፡

2. በህብረተሰብ ተሳትፎ ሚሰሩ ተግባራትን ይለያል፤ ተሳትፎ የሚጎሎብትበትን ስልት ይቀይሳል፤ስለ ህብረተሰብ ተሳትፎ አደረጃጀትና ጠቀሜታ ለህብረተሰቡ ያስተዋውቃል፤ ከተለያዩ አካላት ጋር በማቀናጀት ይስራል፤

3. የተቀናጀ ህብረተሰብ ተሳትፎ ውጤታማ እንዲሆን መመሪያዎችንና የአሰራር ስርዓቶችን ያዘጋጃል፤ ሲጸድቁም ተግባራዊ ያደርጋል አፈጻፀማቸውን ይከታተላል፤

4. ህብረተሰቡ የብሎኩን የልማት ፍላጎት እንዲመልስ፤ የአገልግሎት አሰጣጥ እንዲሻሻል፣ የሠላምና ፀጥታ፤ የስራ አጥነትና ማህበራዊ ችግሮች ለማስወገድ ነዋሪው በባለቤትነት እና በፍላጎት እንዲደራጅ ምቹ ሁኔታዎችን ይፈጠራል፤

5. አማራጭ የፋይናንስ ምንጮችን በመፈለግ አግባብ ባለው አካል ሲፈቀድ የአካባቢውን ህብረተሰብ የልማት ሥራ ያግዛል፤ ከህብረተሰቡ የሚሰበሰቡ የቁሳቁስ፤ የጉልበትና፤ የገንዘብ መዋጮዎች ሥራ ላይ መዋላቸውን ያስተባብራል፣ ይቆጣጠራል ፡፡

6. በብሎክ ነዋሪዎች የተለዩ ፍላጎቶች የሚሟሉበትን እና የተለዩ ችግሮች የሚፈቱበትን ዕቅድ ከብሎክ ካውንስል ጋር በመሆን ያዘጋጃል፣ ለሚመለከተው አካል አቅርቦ ያስፀድቃል፤ ተግባራዊነቱንም ይከታተላል፡፡

7. ከሚመለከታቸው የከተማው አስተዳደር አካላት ጋር በመቀናጀት በብሎክ የተደራጁ ማህበረሰብ አቀፍ ካውንስሎችን ችግሮቻቸውን የሚፈቱበት እና ጥያቄዎቻቸው ምላሽ የሚያገኙበት ሁኔታ ያመቻቻል፤ ካቅም በላይ የሆኑ ችግሮች ሲያጋጥሙ በየደረጃው ላሉ አስተባባሪ ካውንስሎች ከመፍትሄ ሀሳብ ጋር ያቀርባል፤ ያስወስናል፣ ስራ ላይ መዋሉን ይከታተላል፡፡

8. በብሎክ ውስጥ የተሰሩ ማንኛውም የልማት ስራዎች በአግባቡ ስራ ላይ እንዲውሉ እና ደህንነታቸው እንዲጠበቅ ከብሎክ ካውንስል ጋር በመሆን ክትትል ያደርጋል፤የማስተካከያ ስራዎችን ያከናውናል፤

9. በብሎክ በተምሳሌትነት ሊጠቀሱ የሚችሉ ሁለገብ የህብረተሰብ ተሳትፎ ያደረጉ እና የልማት ስራዎችን ያከናወኑትን ካውንስሎችን በመለየት እውቅና ይሰጣል ወይም እንዲሰጥ ያደርጋል፤ ልምዳቸውን ቀምሮ ወደሌሎች እንዲስፋፋ ያደርጋል፡፡

10. የበጎ ፍቃድ አገልግሎት በራስ መልካም ፍቀድ፣ ተነሳሽነት እና ያለማንም አስገዳጅነት ለሚሳተፉ ምቹ ሁኔታዎችን ይፈጥራል፣ ያስተባብራል፣ይመራል፤

11. በበጎ ፍቃድ አገልግሎት የሚሰማሩ ወጣቶች፣የሙያ ማህበራት፣ መንግስትና መንግስታዊ ያልሆኑ ተቋማት እና ሌሎች የህብረተሰብ ክፍሎችን ያስተባብራል፣ የእውቅና እና ምስክር ወረቀት ይሰጣል፤ያበረታታል፤

12. ህብረተሰቡ ያለውን እውቀትና ችሎታ በኢኮኖሚና ማህበራዊ ላይ እንዲያውልና ተጠቃሚ እንዲሆን የሚያስችለውን የበጎ ፍቃድ ባህል እንዲያጎለብት ያበረታታል፤

13. በከተማው የሚገኙ መንግስታዊና መንግስታዊ ያልሆኑ ተቋማት የበጎ ፈቃድ አገልግሎትን በእቅዶቻቸውና በፕሮግራሞቻቸው ውስጥ አካትተው እንዲሰሩ ያደርጋል፤ ተግባራዊነቱንም ይከታተላል፤

14. በከተማው ዘላቂ የበጐ ፍቃድ ፍኖተ ካርታ ያዘጋጃል፣ ካውንስል እንዲደራጅ ያደርጋል፣ ካውንስሉ የሚሳተፍበትን የአገልግሎት መስኮች ይለያል፣ ስልጠና ይሰጣል ተግባራዊነቱን ይከታተላል፡፡

ስትራቴጂያዊ የትኩረት መስኮች